口水多過茶，小小分享，不喜勿插

七十三卒仔

各位道友好，不才學習神功已有十載，算唔上壇數高法力強，但係從中亦有不少得益，亦都為覓得真正良師益友而開心
首先我自小就對法科方面就興趣斐然，奈何讀書時期學業繁重，抽唔到時間學習(雖然我讀書唔叻)，大個投身社會，自己終於可以將興趣與以實際行動，當時拜入某一個門派，都學咗三年，當時覺得更加有趣，原來咩都可以問師公請師公降僮，荒山野嶺周圍去靈探練僮，真係初生牛犢不怕虎，後來果個師傅因為衰咗某d刑事野同埋並沒有開館授徒噶資格，自己又覺得心術咁不正，有違背自己心目中良師應該有噶標準，所以決定退出門派，等自己靜一靜，慢慢尋過其他門派
後來係討論區初步了解到宜家噶門派，就決定約個時間同師傅見個面，了解下大概，當時情景歷歷在目，可惜已經物是人非，修煉一途真係幾孤單寂寞，不過點都好，每個人追求噶野都唔同，天下無不散之宴席，唔開心噶野輕輕帶過就算。
當我開始入門練僮先至發現，原來以前練噶野，真係得啖笑，劉過劉家良，亦都暗暗心驚，真係師公保佑，原來心理僮真係太容易，幸好自己認識到問題嚴重性，可以改得到，而唔係一味落去，否則又多一個癡線佬
夜啦，今次講住咁多先，有時間再分享

茅山法浚

加油共勉之

法紅

七十三卒仔

自從入咗門，每日都過得好充實，翻工，入壇練功，好多人都問，咁勤力為咩啊？學咗係唔係識飛啊？揾到好多錢架？
其實我自己都唔知為咩，靜係覺得入壇練功係一件好舒服放鬆噶事，遠離都市極速噶節奏生活，一練功就咩都唔好霖，比自己靜落黎，去感受自己
其實每個人追求都唔同，投入噶時間比重都唔同，有人當興趣去了解下，有人就當一個信仰，祈求保佑自己同身邊人身體健康，平平安安，亦都有人追求學法幫人，可以通過自身所學去幫到有需要噶人，更加有人覺得自己學法之餘，有責任去將法門流傳落去，選擇做陽師。
所以投入時間多與少，主要睇個人，多同少都無錯，唔需要理會人地噶評論，最重要係明白自己想要D咩，跟住就有所行動。